ஹோர்முஸ் நீரிணையில் வெடிபொருட்களை வைக்கும் ஈரானிய படகுகள் மீது தாக்குதல் நடத்துங்கள் - டிரம்ப்

பிரசுரிக்கப்பட்டது: 5 மணி நேரம் முன்

ஹோர்முஸ் நீரிணையில் (Strait of Hormuz) வெடிபொருட்களைப் பொருத்தும் அல்லது கண்ணிவெடிகளை வைக்கும் எந்தவொரு ஈரானிய படகுகள் மீதும் தாக்குதல் நடத்துமாறு தனது கடற்படைக்கு உத்தரவிட்டுள்ளதாக அமெரிக்க ஜனாதிபதி டொனால்ட் டிரம்ப் தெரிவித்துள்ளார்.

தனது 'ட்ரூத் சோஷியல்' (Truth Social) கணக்கில் பதிவொன்றை இட்டு அவர் இதனைத் தெரிவித்துள்ளதாக சர்வதேச ஊடகங்கள் செய்தி வெளியிட்டுள்ளன.

ஈரானிய கடற்படை பலவீனம்: ஈரானிடம் தற்போது போர்க்கப்பல்கள் இல்லை என்றும், அவர்களுக்குச் சொந்தமான 159 கப்பல்கள் ஏற்கனவே மூழ்கடிக்கப்பட்டுவிட்டன என்றும் ஜனாதிபதி வலியுறுத்தியுள்ளார்.

கண்ணிவெடி அகற்றும் பணி: தற்போது ஹோர்முஸ் நீரிணையில் உள்ள கண்ணிவெடிகளை அகற்றும் பணிகள் நடைபெற்று வருவதாகச் சுட்டிக்காட்டிய டொனால்ட் டிரம்ப், அந்த நடவடிக்கையைத் தொடர்ச்சியாக முன்னெடுக்குமாறு தான் உத்தரவிட்டுள்ளதாகவும் தெரிவித்துள்ளார்.