சீனாவின் காப்புரிமைகளின் எண்ணிக்கை 5 மில்லியனைத் தாண்டியது
உலகில் கண்டுபிடிப்புகளுக்கான உத்தியோகபூர்வ காப்புரிமைகளின் (Patents) எண்ணிக்கை 5 மில்லியனைத் தாண்டிய முதல் நாடாக சீனா உருவெடுத்துள்ளது.
2025 ஆம் ஆண்டில் சீனாவில் அங்கீகரிக்கப்பட்ட புதிய கண்டுபிடிப்பு காப்புரிமைகளின் எண்ணிக்கை 972,000 ஆக உயர்ந்ததை அடுத்து, சீனா இவ்வாறு உலகில் முன்னிலை பெற்றுள்ளதாகக் குறிப்பிடப்படுகிறது.
இன்று (23) மாலை சீன மாநில சபையின் செய்தி அலுவலகத்தில் நடைபெற்ற ஊடகவியலாளர் சந்திப்பில், சீன தேசிய அறிவுசார் சொத்து நிர்வாகத்தின் (CNIPA) அதிகாரிகள் இந்தத் தகவலை வெளியிட்டுள்ளனர்.
முக்கியமான காப்புரிமைத் துறைகள்: இந்தக் காப்புரிமைகளில் பின்வரும் எதிர்காலத் தொழில் துறைகள் சார்ந்த கண்டுபிடிப்புகள் மிகவும் குறிப்பிடத்தக்கவையாக உள்ளன:
குவாண்டம் தொழில்நுட்பம் (Quantum Technology)
உயிரி உற்பத்தி (Biomanufacturing)
மூளை-கணினி இடைமுகம் (Brain-Computer Interface - BCI)
6G தகவல் தொடர்பு தொழில்நுட்பம்
