அமெரிக்க உச்சநீதிமன்றம் வாக்குரிமைச் சட்டத்தைச் சிதைத்துள்ளது: இனப் பாகுபாட்டைத் தடுத்த சட்டம் வலுவிழந்தது!

பிரசுரிக்கப்பட்டது: 16 மணி நேரம் முன்

அமெரிக்க உச்சநீதிமன்றம் லூசியானா மாநிலத்தின் நாடாளுமன்றத் தொகுதி வரைபடத்தை மீண்டும் திருத்தி அமைக்க வேண்டும் என்று உத்தரவிட்டுள்ளது.

இந்தத் தீர்ப்பு, 1965 ஆம் ஆண்டு கொண்டுவரப்பட்ட வரலாற்றுச் சிறப்புமிக்க 'வாக்குரிமைச் சட்டத்தின்' ஒரு முக்கியப் பிரிவைச் செயலிழக்கச் செய்துள்ளது.

நீதிமன்றத்தின் 6-3 என்ற நீதிபதிகளின் வாக்கு விகிதத்திலான இந்தத் தீர்ப்பு, வாக்குரிமைச் சட்டத்தின் பிரிவு 2 (Section 2) ஐ வலுவற்றதாக்கியுள்ளது.

1965 சிவில் உரிமைச் சட்டத்தில் எஞ்சியிருந்த மிகப்பலமான சட்டப்பிரிவு இதுவாகும். இதுவே தேர்தல் தொகுதி மறுசீரமைப்பின் போது சிறுபான்மை வாக்காளர்கள் நியாயமாக நடத்தப்படுவதை உறுதி செய்து வந்தது.

"அரசாங்கத்தின் முடிவெடுக்கும் செயல்பாட்டில் இனத்திற்கு (Race) இடமளிப்பது அரசியலமைப்பு விதிகளுக்கு முரணானது.

லூசியானா மாநிலம் இனத்தை அடிப்படையாகக் கொண்டு தொகுதிகளைப் பிரித்தது அரசியலமைப்பிற்கு எதிரானது," என அவர் பெரும்பான்மைத் தீர்ப்பில் குறிப்பிட்டுள்ளார்.

"இந்த நீதிமன்றம் இப்போது வாக்குரிமைச் சட்டத்தை முழுமையாக இடித்துத் தள்ளியுள்ளது. இந்தத் தீர்ப்பின் மூலம், இனி சட்டரீதியான விளைவுகள் ஏதுமின்றி ஒரு மாநிலம் சிறுபான்மை குடிமக்களின் வாக்குரிமையைத் திட்டமிட்டுச் சிதைக்க முடியும்," என தனது எதிர்ப்பைப் பதிவு செய்துள்ளார்.

இந்தத் தீர்ப்பு கறுப்பின மற்றும் பிற சிறுபான்மை வாக்காளர்களின் செல்வாக்கைக் குறைக்கும் வகையில் தொகுதிகளை வரையறுக்க அரசியல்வாதிகளுக்கு அதிகாரம் அளித்துள்ளது.

இது குறித்து செய்தியாளர்கள் கேட்டபோது, முன்னாள் ஜனாதிபதி டொனால்ட் ட்ரம்ப், மாநிலங்கள் தங்களது தொகுதி வரைபடங்களை மீண்டும் திருத்தி அமைக்க வேண்டும் எனத் தான் விரும்புவதாகத் தெரிவித்தார்.

பிரிவு 2 இன் கீழ் ஒரு வழக்கைத் தொடர வேண்டுமானால், இனிமேல் புதிய மற்றும் கடினமான நிபந்தனைகளை வாதிடுபவர்கள் பூர்த்தி செய்ய வேண்டும்.

குறிப்பாக, அரசாங்கம் "வேண்டுமென்றே" இனப் பாகுபாடு காட்டியது என்பதை நிரூபிக்க வேண்டிய சுமை இப்போது மக்களிடம் தள்ளப்பட்டுள்ளது. இது நிரூபிப்பதற்கு மிகவும் கடினமான ஒன்றாகும்.

2020 மக்கள் தொகை கணக்கெடுப்பிற்குப் பிறகு, லூசியானாவில் கறுப்பின மக்கள் தொகையில் மூன்றில் ஒரு பங்காக இருந்தபோதிலும், அவர்களுக்கு சாதகமாக ஒரே ஒரு தொகுதி மட்டுமே ஒதுக்கப்பட்டது.

இதனை எதிர்த்துத் தொடரப்பட்ட வழக்கில், கறுப்பின மக்கள் வெற்றி பெற்று இரண்டாவது தொகுதியையும் பெற்றனர். ஆனால், தற்போது உச்சநீதிமன்றம் அந்த இரண்டாவது தொகுதியை "இன அடிப்படையில் அமைந்தது" எனக் கூறி ரத்து செய்துள்ளது.