போலந்துக்கு 5,000 கூடுதல் படைகளை அனுப்பும் ட்ரம்ப்; நேட்டோ நட்பு நாடுகளின் குழப்பத்தைத் தீர்க்க மார்கோ ரூபியோ முயற்சி!
ஐரோப்பாவில் அமெரிக்கப் படைகளை நிலைநிறுத்துவது மற்றும் மீளப்பெறுவது தொடர்பாக ஜனாதிபதி டொனால்ட் ட்ரம்ப் எடுத்து வரும் அதிரடி முடிவுகளால் நேட்டோ (NATO) நட்பு நாடுகளிடையே எழுந்துள்ள குழப்பங்களைத் தீர்ப்பதற்கும், அவர்களுக்குப் பாதுகாப்பு உத்தரவாதங்களை வழங்குவதற்கும் அமெரிக்க விடுத்துள்ள புதிய விளக்கங்கள் சர்வதேச அரங்கில் உன்னிப்பாகக் கவனிக்கப்பட்டு வருகின்றன.
சுவீடனில் நடைபெற்ற நேட்டோ அமைப்பின் வெளிவிவகார அமைச்சர்களின் மாநாட்டின் நிறைவில் ஊடகவியலாளர் சந்திப்பில் கலந்துகொண்டு உரையாற்றிய அமெரிக்க வெளிவிவகாரச் விவகார செயலாளர் மார்கோ ரூபியோ, உலகளாவிய ரீதியில் அமெரிக்கா கொண்டுள்ள இராணுவ அர்ப்பணிப்புகளுக்கு ஏற்ப, ஐரோப்பாவிலுள்ள தங்களின் படைப் பிரசன்னத்தை வாஷிங்டன் நிர்வாகம் தொடர்ச்சியாக மறுமதிப்பீடு செய்து வருவதாகக் குறிப்பிட்டார்.
போலந்து நாட்டிற்கு கூடுதலாக 5,000 அமெரிக்கப் படைகள் அனுப்பி வைக்கப்படும் என ஜனாதிபதி டொனால்ட் ட்ரம்ப் அண்மையில் அதிரடியாக அறிவித்திருந்தார்.
எனினும், இந்த அறிவிப்பிற்கு ஒரு வாரத்திற்கு முன்னர்தான் போலந்திற்கு அனுப்பவிருந்த 4,000 படைகளின் வருகையை அமெரிக்க பாதுகாப்புத் துறை (Pentagon) திடீரென ரத்து செய்திருந்தது.
அதேபோல், ஜெர்மனியிலிருந்து அமெரிக்கப் படைகள் வெளியேற்றப்படும் என்ற அறிவிப்பும் சில நாட்களுக்கு முன்னர் வெளியாகியிருந்தது.
ட்ரம்பின் இத்தகைய முன்னுக்குப்பின் முரணான அறிவிப்புகள் அத்திலாந்திக் பாதுகாப்பு கூட்டமைப்பின் (NATO) ஏனைய நாடுகளிடையே பெரும் குழப்பத்தையும் அதிருப்தியையும் ஏற்படுத்தியிருந்தது.
நவராக்கியுடனான நட்பு தனது 'ட்ரூத் சோஷியல்' (Truth Social) சமூக வலைத்தள பக்கத்தில் இது குறித்துப் பதிவிட்டுள்ள ஜனாதிபதி ட்ரம்ப், போலந்து ஜனாதிபதி கரோல் நவராக்கி (Karol Nawrocki) உடனான அமெரிக்காவின் பலமான உறவின் அடிப்படையிலேயே இந்த 5,000 கூடுதல் படைகளை அனுப்பும் முடிவு எடுக்கப்பட்டுள்ளதாகக் குறிப்பிட்டுள்ளார்.
கடந்த ஆண்டு போலந்தில் நடைபெற்ற ஜனாதிபதி தேர்தலின் போது ட்ரம்ப் இவருக்கு பகிரங்க ஆதரவை வழங்கியிருந்ததுடன், நவராக்கி ட்ரம்பின் நீண்டகால தீவிர ஆதரவாளர் என்பதும் குறிப்பிடத்தக்கது.
ஈரான் மீதான அமெரிக்க-இஸ்ரேல் கூட்டு இராணுவத் தாக்குதல்களைத் தொடர்ந்து, அமெரிக்காவின் கணிசமான படைகள் தற்போது மத்திய கிழக்கில் நிலைகொண்டுள்ளன.
இந்த ஈரான் போர் விவகாரம் தொடர்பாக ஜனாதிபதி டொனால்ட் ட்ரம்பிற்கும், ஜெர்மனி அதிபர் பிரீட்ரிக் மெர்ஸ் (Friedrich Merz) ஆகியோருக்குமிடையே அண்மையில் கடுமையான கருத்து முரண்பாடுகள் மற்றும் மோதல்கள் வெடித்திருந்தன.
இதன் விளைவாக, ஜெர்மனியிலிருந்து 5,000 அமெரிக்கப் படைகள் உடனடியாக வாபஸ் பெறப்படும் என அமெரிக்கா இந்த மாத தொடக்கத்தில் அறிவித்தது.
தற்போது போலந்திற்கு அனுப்பப்படவுள்ள புதிய படைகள், ஜெர்மனியிலிருந்து வெளியேற்றப்படும் படைகளா அல்லது முற்றிலும் புதியதொரு படைப்பிரிவா என்பது குறித்து வெள்ளை மாளிகை தெளிவான விபரங்களை வெளியிடவில்லை.
சுவீடனின் ஹெல்சிங்போர்க் (Helsingborg) நகரில் நடைபெற்ற இந்த நேட்டோ மாநாட்டைத் தலைமை தாங்கி நடத்திய சுவீடன் விදේශ விவகார அமைச்சர் மரியா மால்மர் ஸ்டெனர்கார்ட் (Maria Malmer Stenergard) கருத்துத் தெரிவிக்கையில், அமெரிக்காவின் இந்த அடுத்தடுத்த அறிவிப்புகள் தங்களுக்குப் பெரும் குழப்பத்தை ஏற்படுத்தியுள்ளதாக பகிரங்கமாக ஒப்புக்கொண்டார்.
எனினும், நேட்டோ கூட்டமைப்புடன் இணைந்து ஒருங்கிணைக்கப்பட்ட வகையிலேயே ஐரோப்பாவிலுள்ள அமெரிக்கப் படைகளின் எண்ணிக்கை மாற்றியமைக்கப்பட்டு வருவதாகக் குறிப்பிட்ட அமெரிக்க விடைத்துறைச் செயலாளர் மார்கோ ரூபியோ, "ஐரோப்பாவில் அமெரிக்கப் படைகளின் பிரசன்னம் காலத்திற்கு ஏற்ப மாற்றியமைக்கப்படும் என்பதை நேட்டோ கூட்டமைப்பிலுள்ள நாடுகள் நன்றாகவே புரிந்து வைத்துள்ளன" எனத் தெரிவித்து நிலைமையைத் தணிக்க முற்பட்டுள்ளார்.
