சீனாவுடன் வர்த்தக உறவை வலுப்படுத்தும் முயற்சி! Prime Minister கார்னியின் நிலைப்பாடு
கனடாவின் முன்னாள் மத்திய வங்கி ஆளுநரும், தற்போதைய Prime Minister மார்க் கார்னி, சீனாவுடன் கனடா மீண்டும் வர்த்தக பேச்சுவார்த்தைகளில் ஈடுபட வேண்டிய அவசியம் உள்ளது என்று வலியுறுத்தியுள்ளார்.
கனடா – சீனா உறவுகள் கடந்த சில ஆண்டுகளாக அரசியல் மற்றும் வர்த்தக ரீதியாக பதற்றமான நிலையில் இருந்து வரும் நிலையில், உலக பொருளாதார சூழ்நிலைகள் மாறி வரும் இந்தக் காலகட்டத்தில், சீனாவை முழுமையாக புறக்கணிப்பது கனடாவுக்கு நன்மை தராது என கார்னி எச்சரிக்கை விடுத்துள்ளார்.
“சீனா – உலக பொருளாதாரத்தில் தவிர்க்க முடியாத சக்தி”
சமீபத்திய உரையாடலில்,
“சீனா இன்று உலகின் முக்கிய பொருளாதார சக்திகளில் ஒன்று. அதை முழுமையாக விலக்கி வைத்து வர்த்தகக் கொள்கைகளை உருவாக்குவது நடைமுறைக்கு ஏற்றது அல்ல”
என்று மார்க் கார்னி தெரிவித்துள்ளார்.
அதே நேரத்தில், தேசிய பாதுகாப்பு, ஜனநாயக மதிப்புகள், மனித உரிமைகள் போன்ற அடிப்படை விடயங்களில் கனடா எந்தவித சமரசத்திற்கும் செல்லக் கூடாது என்றும் அவர் தெளிவுபடுத்தியுள்ளார்.
அமெரிக்கா சார்ந்த பொருளாதாரம் – மாற்றம் தேவை?
கனடாவின் பெரும்பான்மையான ஏற்றுமதிகள் இன்னும் அமெரிக்காவையே அதிகமாக சார்ந்துள்ளன.
இந்தச் சூழலில், வர்த்தக சந்தைகளைப் பல்துறைப்படுத்துவது (Trade Diversification) மிகவும் அவசியம் என பொருளாதார நிபுணர்கள் கூறி வருகின்றனர்.
அந்த வகையில்,
சீனா
ஆசிய – பசிபிக் நாடுகள்
வளர்ந்து வரும் சந்தைகள்
என புதிய வர்த்தக வாய்ப்புகளை கனடா ஆராய வேண்டிய கட்டாயத்தில் உள்ளது.
அரசியல் எச்சரிக்கையும் – பொருளாதார நியாயமும்
சீனாவுடன் நெருக்கம் காட்டுவது அரசியல் ரீதியாக சர்ச்சைகளை ஏற்படுத்தலாம் என்பதையும் கார்னி மறுக்கவில்லை. இருப்பினும்,
“உணர்ச்சியை விட நியாயமான பொருளாதார அணுகுமுறையே ஒரு நாட்டின் நீண்டகால நலனுக்கு உதவும்”
என்று அவர் கூறியுள்ளமை குறிப்பிடத்தக்கது.
எதிர்கால கனடா – சமநிலைதான் தீர்வு?
நிபுணர்களின் பார்வையில்,
சீனாவுடன் முழுமையான நெருக்கமும் இல்லை
முழுமையான துண்டிப்பும் இல்லை
என்ற சமநிலை அணுகுமுறை தான் கனடாவுக்கு சிறந்த பாதை.
மார்க் கார்னியின் இந்தக் கருத்துக்கள், எதிர்கால கனடா அரசின் வெளிநாட்டு வர்த்தகக் கொள்கையில் புதிய விவாதங்களுக்கு வித்திடும் என எதிர்பார்க்கப்படுகிறது.
