ரமலான் மாதத்தில் அமீரகத்தில் வசிக்கும் இஸ்லாமிய அல்லாதவர்கள் பின்பற்ற வேண்டிய வழிமுறைகள்!

ஐக்கிய அரபு அமீரகத்தில் 2026ஆம் ஆண்டிற்கான ரமலான் மாதம் பிப்ரவரி 18 அல்லது 19ஆம் தேதி தொடங்க வாய்ப்புள்ளதாக எதிர்பார்க்கப்படுகிறது.

உள்ளடக்கம்

பொது இடங்களில் உண்ணுதல் மற்றும் பருகுதல் தவிர்த்தல்:ஆடை கட்டுப்பாடு:அலுவலக நேரம்:பயணம் நேரம் திட்டமிடல்:தானம்:

இந்த புனித மாதத்தில் இங்கு வசிக்கும் இஸ்லாமிய அல்லாதவர்கள் பின்பற்ற வேண்டிய  முக்கிய வழிமுறைகள்.

பொது இடங்களில் உண்ணுதல் மற்றும் பருகுதல் தவிர்த்தல்:

நோன்பு நேரங்களில் (சூரிய உதயம் முதல் மறைவு வரை) பொது இடங்களில் உண்பது, குடிப்பது மற்றும் புகை பிடிப்பதைத் தவிர்க்க வேண்டும். இது மற்றவர்களின் நம்பிக்கைக்கு அளிக்கும் மரியாதையாகக் கருதப்படுகிறது. இருப்பினும், உணவகங்கள் வழக்கம் போல் செயல்படும்; அங்கு சென்று உணவு உட்கொள்ளலாம்.

ஆடை கட்டுப்பாடு:

பொது இடங்களான மால், உணவகங்கள் மற்றும் ஹோட்டல்களுக்கு செல்லும் போது உடலை அதிகமாக வெளிப்படுத்தும் ஆடைகளைத் தவிர்த்து, கண்ணியமான ஆடைகளை அணிய  வேண்டும்.

அலுவலக நேரம்:

ரமலான் காலத்தில் வேலை நேரம் குறைக்கப்படும். எனவே, அலுவலக கூட்டங்கள் அல்லது வேலைகளைத் திட்டமிடும்போது இந்த மாற்றத்தை கருத்தில் கொண்டு செயல்பட வேண்டும்.

பயணம் நேரம் திட்டமிடல்:

இஃப்தார் நேரத்திற்கு ஒரு மணி நேரத்திற்கு முன்னதாகப் பயணப்பதைத் தவிர்க்கவும். அந்தச் சமயத்தில் போக்குவரத்து நெரிசல் அதிகமாக இருக்கும். முன்கூட்டியே பயணம் செய்யவும்.

தானம்:

ரமலான் மாதம் என்பது மற்றவர்களுக்கு உதவும் மாதமாகும். பல அமைப்புகள் இலவச உணவுகளை வழங்கும். இந்தச் சமயத்தில் உங்களால் முடிந்த உதவிகளைச் செய்யலாம்.