ஈரானில் ஆட்டம் இன்னும் முடியவில்லை - ட்ரம்ப் கடும் எச்சரிக்கை: 32 நாடுகள் இணைந்து எண்ணெய் விநியோகத்தை அதிகரிக்க முடிவு!

ஈரானிய ஆட்சி மாற்றத்தை நோக்கமாகக் கொண்ட 'ஒப்பரேஷன் எபிக் பியூரி' (Operation Epic Fury) இராணுவ நடவடிக்கை இன்னும் முழுமை பெறவில்லை என்றும், அமெரிக்கா தனது இலக்குகளை அடையும் வரை ஓயாது என்றும் அதிபர் டொனால்ட் ட்ரம்ப் அறிவித்துள்ளார்.

வாஷிங்டனில் ஊடகவியலாளர்களிடம் பேசிய அவர், ஈரானின் தலைமைத்துவம் ஏற்கனவே இருமுறை பலவீனப்படுத்தப்பட்டுள்ளதாகவும், ஹார்முஸ் நீரிணையில் (Strait of Hormuz) ஈரான் பதித்துள்ள கண்ணிவெடிகளை உடனடியாக அகற்றாவிட்டால் முன்னெப்போதும் இல்லாத அளவிலான இராணுவத் தாக்குதல்களை எதிர்கொள்ள நேரிடும் என்றும் எச்சரித்தார்.

வரலாறு காணாத எண்ணெய் விநியோகம்: 32 நாடுகள் ஒன்றிணைவுஈரான் - அமெரிக்கப் போர் காரணமாக உலக சந்தையில் மசகு எண்ணெய் விலை பாரியளவில் உயர்ந்துள்ள நிலையில், அதனைத் தணிக்க சர்வதேச எரிசக்தி முகமை (IEA) ஒரு முக்கிய முடிவை எடுத்துள்ளது.

இதன்படி, அமைப்பின் 32 உறுப்பு நாடுகள் இணைந்து தமது அவசர கால இருப்பிலிருந்து 400 மில்லியன் பேரல் எண்ணெயை சந்தைக்கு வெளியிட ஒருமனதாகச் சம்மதித்துள்ளன. இது ஐ.இ.ஏ (IEA) வரலாற்றிலேயே மேற்கொள்ளப்படும் மிகப்பெரிய எண்ணெய் வெளியீடாகும்.

இந்தக் கூட்டு நடவடிக்கையில் அமெரிக்கா, ஜேர்மனி, ஜப்பான் மற்றும் ஆஸ்திரேலியா உள்ளிட்ட நாடுகள் முன்னிலை வகிக்கின்றன. ஈரானின் அச்சுறுத்தல் காரணமாக ஹார்முஸ் நீரிணையில் கப்பல் போக்குவரத்து முடங்கியுள்ளதால், சந்தையில் ஏற்பட்டுள்ள தட்டுப்பாட்டை நிவர்த்தி செய்ய இந்த 400 மில்லியன் பேரல் எண்ணெய் விநியோகம் உதவும் என எதிர்பார்க்கப்படுகிறது.

இந்தியாவின் வரவேற்பும் உலகளாவிய தாக்கமும்சர்வதேச எரிசக்தி முகமையின் இந்த முடிவை இந்தியா வரவேற்றுள்ளது. உலகளாவிய எரிசக்தி பாதுகாப்பை உறுதிப்படுத்தத் தேவையான அனைத்து ஒத்துழைப்புகளையும் வழங்கத் தயாராக இருப்பதாக இந்தியப் பெட்ரோலிய அமைச்சகம் தெரிவித்துள்ளது.

ஈரான் மீதான அமெரிக்க-இஸ்ரேலிய விமானத் தாக்குதல்கள் மார்ச் மாத தொடக்கத்தில் தீவிரமடைந்ததைத் தொடர்ந்து, ஒரு பேரல் மசகு எண்ணெய் விலை 120 டாலரைத் தாண்டியது.

ஈரானோ இந்த விலையை 200 டாலராக உயர்த்தப் போவதாக மிரட்டி வரும் நிலையில், மேற்கத்திய நாடுகளின் இந்த பாரிய எண்ணெய் வெளியீடு சந்தையில் பெரும் அதிர்வை ஏற்படுத்தியுள்ளது.