கச்சா எண்ணெய் விலை 110 டொலரை நெருங்கியது!
உலகின் மிகப்பெரிய இயற்கை எரிவாயு வயலுக்கு அருகிலுள்ள ஈரானிய எரிசக்தி நிலையத்தின் மீது நடத்தப்பட்ட வான்வழித் தாக்குதலைத் தொடர்ந்து, உலக சந்தையில் கச்சா எண்ணெய் ஒரு பீப்பாயின் விலை 110 அமெரிக்க டொலர்கள் வரை அதிகரித்துள்ளது.
கடந்த செவ்வாய்க்கிழமை நிலவிய விலையுடன் ஒப்பிடுகையில், பிரெண்ட் (Brent) ரக கச்சா எண்ணெய் விலை 5 சதவீதத்திற்கும் அதிகமாக உயர்ந்து 109.91 டொலர்களாகப் பதிவாகியுள்ளது. எனினும், சிறிது நேரத்தின் பின்னர் விலையில் சிறு வீழ்ச்சி அவதானிக்கப்பட்டது.
எரிவாயு விலை அதிகரிப்பு: கச்சா எண்ணெயுடன் சேர்த்து, பிரித்தானியாவின் இயற்கை எரிவாயு விலையும் 6 சதவீதத்தினால் அதிகரித்துள்ளது.
தாக்குதல் பின்னணி: ஈரானின் 'சவுத் பார்ஸ்' (South Pars) எரிவாயு வயலுக்குச் சொந்தமான பெட்ரோகெமிக்கல் வளாகத்தின் மீது தாக்குதல் நடத்தப்பட்டதாக வெளியான செய்திகளையடுத்து இந்த விலை உயர்வு ஆரம்பமானது.
கட்டார் மீதான பாதிப்பு: ஈரானின் அச்சுறுத்தல்களுக்கு மத்தியில், கட்டாரின் ராஸ் லஃபான் (Ras Laffan) கைத்தொழில் வலயத்திற்கும் பலத்த சேதங்கள் ஏற்பட்டுள்ளதாகத் தெரிவிக்கப்படுகிறது.
தற்போதைய மோதல்களுக்கு மத்தியில் கச்சா எண்ணெய் மற்றும் எரிவாயு விலை திடீரென உயர்ந்த போதிலும், இது இப்போர்க்காலத்தில் பதிவான அதிகபட்ச விலையை விடக் குறைவான மட்டத்திலேயே உள்ளது. இதற்கு முன்னர் மார்ச் 9 ஆம் திகதி கச்சா எண்ணெய் ஒரு பீப்பாயின் விலை 116.78 டொலர்களாகப் பதிவாகியிருந்தமை குறிப்பிடத்தக்கது.
